2024 – Banda á Feira

Javi Rey

Javi Rey (Bruxelas, 1982) é un autor de cómics formado na Escola Joso de Barcelona. En 2013 comezou a súa carreira no mercado franco-belga de banda deseñada. Primeiro, como debuxante da man de guionistas como Frank Giroud (Adelante!), Bertrand Galic e Kris (Un maillot pour l'Algérie, Violette Morris), e logo, explorando a realización de obras en solitario. Un primeiro paso nesta dirección foi, en 2016, a adaptación da novela Intemperie do escritor Jesús Carrasco, baixo o selo Planeta Cómics. Obra que lle valeu o Premio ao Mellor Autor Revelación no Salón do Cómic de Barcelona de 2017 e un nomeamento aos Premios Eisner na súa tradución inglesa. En 2021 publicou Un ennemi du peuple (Dupuis-Aire Libre; editada en España en 2023 por Planeta Cómics), adaptación da obra de teatro homónima escrita polo dramaturgo Henrik Ibsen no século XIX. A súa última colaboraciónen no díptico xuvenil Nos coeurs tordus (Bayard Éditions, 2023-2024), xunto aos guionistas Séverine Vidal e Manu Causse, foi premiada co Prix des Collèges no Festival International da Bande Dessinée de Angoulême de 2024. Actualmente traballa na súa primeira obra con guión propio, que verá a luz en agosto de 2024 no mercado franco-belga da man da editorial Dargaud. Titularase On l'appelait Bebeto.

Alicia Jaraba

A viguesa Alicia Jaraba (1988) interesouse polo cómic desde moi pequena, sendo filla de autor. Tras os seus estudos de filoloxía hispánica e filoloxía francesa pola Universidade de Santiago de Compostela, decidiu facer un curso anual de cómic na escola ESDIP en Madrid (2013-2014). Alí descubriu que a súa paixón podía converterse en oficio, e tras perseguir a non poucos editores franceses co seu cartafol cheo de proxectos, conseguiu profesionalizarse como debuxante durante varios anos no mercado franco-belga grazas a cómics como Les Détectives du Surnaturel e Lónde Dolto. Por fin, en 2022, conseguiu publicar a súa primeira obra en solitario, Celle qui parle, que foi traducida ao español como “Soy la Malinche”. Actualmente acaba de terminar a súa segunda novela gráfica como autora completa, Loin (“Lejos”) que será traducida e publicada por Nuevo Nueve o próximo outono.

Pau

Pau (Palma de Mallorca,1972) é autor de cómics, debuxante, humorista gráfico e editor. Desde 1996 ata 2009 escribiu e debuxou a tira diaria de humor gráfico de actualidade Pau per tots (premio Haxtur ao humor 2009) para o Diario de Mallorca, que continúa desde entón de forma semanal tamén para Mallorca Zeitung. Desde 2004 publica as súas historietas curtas na revista belga Spirou, e a súa Saga de Atlas & Axis (2011-2016) foi publicada ata o de agora en doce idiomas en máis de quince países de tres continentes. Con todo, o éxito internacional non supón a estabilidade económica suficiente como para poder seguir creando historietas, polo que abre unha conta de patreon para as súas máis fieis lectores e lanza a editorial Escápula para publicar a súa obra directamente. En 2020 gaña o premio Ciutat de Palma de cómic pola súa obra Curtiss Hill, que inmediatamente se publica en castelán, catalán, inglés, francés e holandés. Ademais de impartir cursos de cómic en escolas e institutos, escribiu e debuxou varios libros para aprender a debuxar. Actualmente traballa na súa próxima novela gráfica As cinco bandeiras, unha historia real profusamente documentada, baseada nas espectaculares memorias do seu avó, Vicente Jiménez-Bravo, durante a Guerra Civil Española e a Segunda Guerra Mundial baixo cinco bandeiras.

Josep Homs

Nacido en 1975, en Barcelona, Josep Homs estudou debuxo na Escola Joso e emigrou durante algún tempo aos Estados Unidos onde traballou sobre todo para Marvel, o xigante do cómic americano. Homs debuxou "Red Sonja", con guión de Frank Cho e Doug Murray, ou "Blade" do guionista Christopher Hinz. Despois de dous anos de traballo intenso, decepcionado co ritmo e as limitacións do mercado americano, decidiu regresar a Europa e as suas primeiras inclinacións, máis franco-belgas. En 2010, e para Dupuis, debuxou "L'Angélus", un díptico escrito por Frank Giroud para a súa famosa colección "Secrets", seguido máis tarde, para a mesma editorial, da adaptación ao cómic de "Millennium", a triloxía de escritor sueco Stieg Larsson que acadou un gran éxito mundial e cuxo guión foi escrito por Sylvain Runberg. En 2017 Josep asinou o debuxo dunha nova serie escrita por Zidrou, “Shi”, coa que gañou, en outubro do mesmo ano, o premio Saint-Michel ao mellor debuxo.

Alba Chan

Alba Míguez

Anémona de Río

Anxel con X

Bea Gregores

Damián Gómez

David Braña

Ene

Iria Aldegunde

Jorge Campos

José Malvárez

Kiko da Silva

Lucia Cid

Manuel Veiga

Miguel Fernández

Pablo Carreiro

Pablo Prado

Paula Cheshire

Víctor L. Pinel

Venres 31/05

17:00 – 20:30 – Praza da Banda.
17:30 – 18:30 – Charla con Josep Homs.
18:30 – 20:00 – Sinaturas Josep Homs e autores locais.

Sábado 01/06

10:00 – 20:30 – Praza da Banda.
10:30 – 12:00 – Encontro profesional con Javi Rey: “A construción dunha carreira, procura e aprendizaxe constante”.
12:15 – 12:30 – Presentación GFFF.
12:15 – 13:00 – Obradoiro Kame Cómic.
12:30 – 13:00 – Presentación de Miguel Fernández (A espada de San Eufrasio).
17:30 – 18:30 – Carla con Alicia Jaraba.
18:30 – 19:15 – Obradoiro Kame Cómic.
18:30 – 20:00 – Sinaturas Alicia Jaraba, Javi Rey e autores locais.

Domingo 02/06